Tuesday 7 May 2013
सेन्ट मेरिज स्कुलमा कक्षा १ मा पढने कृपा ६
बर्षकी भईन् । साताको ५ दिन उनी स्कुल जान्छिन् । शनिवार र आईतवार उनको स्कुल बिदा हुन्छ ।
बिदाको दिन प्रायः जसो उनी बाबा, मम्मीसंग घुम्न र नयाँ ठाऊँ हेर्न जाने
गर्छिन् । त्यो देखी बाहेक अरु दिन स्कुलबाट फर्केपछि उनी होमवर्क सक्छिन् र उनी
बस्ने घर छेऊमै रहेको चिल्ड्रेन पार्कमा खेल्न जान्छिन् । त्यहाँ उनी पिङ्ग
खेल्छिन्, चिप्लेटी खेल्छिन् र रमाउछिन् । त्यहीँ खेल्न जाने
क्रममै उनले त्यही चिनेर साथीहरुपनि बनाएकी छिन् ।
पाठशाला नेपाल काठमान्डौंमा कक्षा ३ मा पढने
राहुल १० बर्षका भए । उनीपनि साताको ५ दिन स्कुल जान्छन् । स्कुलबाट आएपछि भने उनी
घरभित्रै कम्प्युटर गेम खेल्छन्, कार्टुन हेर्छन् । पावर रेन्जर उनलाई
मनपर्ने कार्टुन हो । बाहिर गएर खेल्नुभन्दा घरभित्रै खेल्न उनलाई मनपर्छ ।
तिमीहरु मध्ये केही साथीहरुलाई पनि कृपाको
जस्तै बाहिर गएर खेल्न मन पर्दो हो, अनी केही साथीहरुलाई राहुलको जस्तो टिभी वा
कम्प्युटरमै रमाउन मन लाग्दो हो । काठमान्डौंमा अहिले धेरै घरहरु बनिसकेकाछन्, त्यही भएर बाहिर
खेल्न मन लागेपनि कति साथीहरु त बाहिर गएर खेल्ने ठाऊँपनि नपाउँदा हुन् र घरभित्रै
खेलेर बस्नुपर्ने हुनसक्छ । त्यही भएर अहिले अधिकांश शहरी बालबालिका का साथी
मान्छे भन्दापनि कम्प्युटर, टिभी, मोबाईल आदीमा आउने
गेम, कार्टुन, भिडियोगेम लगायतलाई नै मनोरंजनको साथी बनाउनपर्ने
अवस्था आएको छ ।
घरभित्र खेल्दा
फाईदा
·
टिभी, कम्प्युटर जस्ता नयाँ प्रबिधीसंग परिचित
हुन्छ ।
·
घरभित्रै भएकाले अभिभावकले छुट्टै समय दिन नपर्ने
भएकाले अभिभावकको समय बचत हुन्छ ।
बेफाईदा
·
घरभित्र मात्र सिमित होइन्छ, बाहिरका साथी
बन्दैनन् ।
·
बालबालिका भौतिक बस्तुप्रति बढी निकट हुन खोज्छन् ।
·
शारिरीक,सामाजिक र संवेगात्मक
बिकास हुँदैन, मानसिक बिकास मात्र हुन्छ ।
घरबाहिर खेल्दा
फाईदा
·
बाहिरका साथी बन्छन् । यसबाट अन्र्तब्यक्ति सम्बन्ध
स्थापित हुन्छ । अरुको रहनसहन,संस्कृति बारे जानिन्छ पनि ।
·
भौतिक दुनियाँदेखी बाहिरका कुरा थाहा हुन्छन् ।
·
शारिरिक, सामाजिक र संवेगात्मक
बिकासमा मद्धत पुग्छ ।
बेफाईदा
·
घरबाट बाहिर भएकाले घरभित्रको तुलनामा बढी जोखिम
पनि हुनसक्छ ।
·
अभिभावकले छुट्टै समय दिनुपर्छ ।
केही बर्ष पहिलेसम्म पनि बालबालिका घरभित्र
भन्दा बाहीर साथीहरुसंग बढी खेल्दथे । यसले गर्दा उनीहरु भौतिक दुनियाँ भन्दा प्राकृतिक
दुनियासंग बढी नजिक हुन पाएका थिए । हाम्रा पालामा त हामी साथीहरुसंग नै धेरै
खेल्थ्यौं । अहिलेजस्तो कम्प्युटर गेम , भिडीयो गेम, कार्टुनहरुको चलन
त्यतिधेरै भैसकेको थिएन । घरबाट बाहिर निस्कने र खेल्ने गर्नाले बाहिर धेरै
साथीहरु बन्थे । तर अहिले बिभिन्न कारणले बालबालिकाहरु घरभित्रै बढी समय बिताउन
बाध्य भएका छन् ।
पहिले पहिले
बालबालिकाले खेल्ने खेल M लुकामारी ,गट्टा, भाँडाकुटी, बेउला बेउली, सिन्का लुकाई, घवाईं, डोरी, चोर पुलिस
आजकलका बालबालिकाले
खेल्ने खेल M भिडीयो गेम, कम्प्युटर , कार्टुन
तर आफ्नो समग्र बिकास गर्नका लागी
घरभित्रैका भौतिक खेलहरु मात्र होईन, साथीसंगी बनाएर घरबाहिर पनि खेल्न जानु
राम्रो हुन्छ । घरभित्र र बाहिर दुबैतिर बराबरी महत्व दिएर तिमि खेल्न गयौ भने
धेरै कुरा सिक्न सक्छौं । यसका लागी
अभिभावकहरुले समेत बालबालिकाको मानसिकतालाई बुझेर उनीहरुलाई खेल्नका लागी
उत्प्रेरित गर्नुपर्छ ।
*२०६८ पौष २२ गते
शुक्रवार लेखिएको र हाल संशोधन गरी ब्लगमा आर्काइभ गरिएको
यो लेख पढी सकेपछी मेरो निष्कर्स सबै कुराको राम्रो र नराम्रो पक्ष दुइटै हुन्छ,छोरा छोरीलाई घरभित्र र बाहिर दुबैतिर बराबरी महत्व दिएर खेल्न पठायो भने धेरै कुरा सिक्न सक्छन ।
ReplyDelete