तस्विरकथा : गन्तब्य लप्सिफेदी

Posted by : सिकारुकेटो Friday 31 May 2013

धर्तीमा स्वर्ग

काठमान्डौं खाल्डोको दौडधुप, रस्साकस्सी, ब्यस्तता र कामको चापाचापले थकित हुनुहुन्छ ? साताभरी वा महिनाभरीको कामबाट थकित भएर अलिकति भएपनि प्रकृती र ग्रामिणजिवन शैलीसंग रमाउन चाहिरहनुभएकोछ ? धेरै समयपनि छैन, खर्चपनि बजेट खर्चमै रमाईलो गर्न चाहनुहुन्छ ? नगरकोट, धुलिखेल, ककनी, गोदावारी जस्ता ठाऊँहरु सुझायोभने यि ठाऊँ त गइरहेको हो वा गैसकेको हो कत्ति जानु भन्ने पनि लाग्न सक्छ तपाईंलाई ।

त्यसोभए बजेटका हिसाबले, दुरीका हिसाबले, सुबिधाका हिसाबले लगायत सबै हिसाबले सुहाउँदो ठाऊँ हुनसक्छ काठमाण्डौंबाट मात्र करिब २० किलोमिटर पूर्वोत्तरतर्फको स्थान लप्सीफेदी ।

साँखु शालीनदीबाट करिब ५ किलोमिटरमात्रको दुरीमा रहेको यो स्थान काठमाण्डौंबाट अलिकति बाहिर गएर रिफ्रेस हुन चाहनेको लागी उपयुक्त गन्तब्य हुनसक्छ । लप्सीफेदी गाविसमा स्थिति चौकिभञ्ज्यांगमा अहिले केही सुबिधासम्पन्न रिसोर्टका साथै पुर्णतया पारिवारिक वाताबरणमा घरमै बसेर रमाइलो गर्ने गन्तब्यस्थलहरु छन् । आफ्नो बजेट अनुकुलतका अनुसार यात्रा योजना बनाउन सकिन्छ । त्यसठाऊँमा पुग्नका लागी काठमाण्डौंबाट करिब डेढ घंटा लाग्छ । पुरानोबसपार्कबाट सार्वजनिक यातायात (जुन काठमाण्डौं जोरपाटी हुँदै मेलम्ची पुग्छ) वा निजि वाहन – कार, जिप वा मोटरसाइकल) मा सहजै त्यसठाऊँमा पुग्न सकिन्छ ।